Start arrow Рэглямэнт Конкурсу
Рэглямэнт Конкурсу Drukuj Wyślij znajomemu

OPPA 2017
35. МІЖНАРОДНЫ ФЭСТЫВАЛЬ БАРДАЎ


АГУЛЬНАЯ ІНФАРМАЦЫЯ

1. Мэтай OPPA – Міжнароднага фэстывалю бардаў – зьяўляецца падтрымка, разьвіцьцё й папулярызацыя творчасьці аўтараў – кампазытараў – выканаўцаў.

2. Арганізатарам OPPA зьяўляецца Літаратурна-музычнае таварыства "Баляда".

3. OPPA складаецца з конкурсу, пазаконкурсных канцэртаў ды суправаджальных імпрэзаў.

РЭГЛЯМЭНТ КОНКУРСУ

1. У конкурсе могуць удзельнічаць толькі тыя асобы, якія адначасова зьяўляюцца аўтарамі, кампазытарамі й выканаўцамі заяўленых песьняў.
1.1. „Выконаўцам” песьні лічыцца асоба, якая сьпявае яе (у выпадку гурту: сьпявае вядучым голасам, а не напр. у хоры).
1.2. Не дапушчаецца гэтак званага суаўтарства, значыць сытуацыі, калі аўтарам альбо/і кампазытарам песьні зьяўляецца больш, чым адна асоба.
1.3. Да конкурсу заўсёды прыступае асоба, ня група. Калі гэтая асоба зьяўляецца інтэгральнай часткай нейкага гурту, зь якім выступае ў конкурсе, тады пры яе прозьвішчы можна таксама падаць назву гурту.

2. Заяўка на ўдзел у конкурсе – гэта запоўнены фармуляр, які павінен уключаць наступныя элемэнты:
2.1. прозьвішча, імя, нацыянальнасьць, дата нараджэньня, тэлефоны,  e-mail, дакладны адрас кандыдата;
2.2. у выпадку акампаніруючага гурту – яго іменны склад ды інструмэнты;
2.3. тэксты пяцёх заяўленых песьняў, у фармаце  А-4, у лічбавым фармаце .doc альбо .rtf ;
2.4. рабочыя альбо прафэсійныя запісы заяўленых песьняў у фармаце mp3, (bitrate 128 kbps);
2.5. інфармацыю пра дагэтулешнія артыстычныя дасягненьні кандыдата;
2.6. інфармацыю пра патрэбы ў галіне ўзмацненьня гуку пры дапамозе электраакустычных прыладаў падчас выступленьня.

3. Тэрмін заявак і адрас, на які трэба іх высылаць, падаюцца напрыканцы Рэглямэнту. Карэспандэнцыйнымі мовамі зьяўляюцца: польская, ангельская, расейская й француская.

4. Заяўкі трэба прысылаць выключна па электроннай пошце.

5. У выключных выпадках арганізатары могуць вырашыць пра падаўжэньне тэрміну падачы заявак.

6. Конкурс складаецца з трох этапаў:
- асноўнага, які палягае на ацэнцы Артыстычнай радай OPPA прысланых заявак;
- паўфінальнага, які палягае на ацэнцы Артыстычнай радай OPPA эстраднай прэзэнтацыі перад публікай;
- фінальнага, які палягае на ацэнцы Журы OPPA эстраднай прэзэнтацыі перад публікай.

7. Інфармацыя пра вынікі чарговых этапаў конкурсу зьмяшчаецца на інтэрнэтавых старонках Фэстывалю.

8. Удзельнік выконвае ў паўфінале конкурсу два творы.

9.  Артыстычная рада OPPA ацэньвае літаратурны, музычны й выканаўчы ўзровень прэзэнтаваных прапановаў, прамуючы індывідуальнасьць творцы. Рашэньні Артыстычнай рады канчатковыя й не падлягаюць неабходнасьці абгрунтаваньня.

10 Артыстычная рада OPPA, ведаючы творчасьць артыста, мае права запрасіць яго адразу ў паўфінал альбо фінал OPPA, абыходзячы адпаведныя этапы конкурсу.

11. Журы OPPA складаецца з  выбітных аўтараў і кампазытараў, з музычных журналістаў і прадстаўнікоў Артыстычнай рады.

12. Кожны ўдзельнік фіналу конкурсу абавязваецца падрыхтаваць пяць аўтарскіх песьняў, зь якіх дзьве выконвае ў канцэрце пад назовам ”Вялікі фінал”,  а тры астатнія ў выпадку, калі стане ляўрэатам, у канцэрце пад назовам ”Залатая пяцёрка”.

13. Журы выбірае сярод ляўрэатаў аднаго заваёўніка найвышэйшай узнагароды OPPA: Ўзнагароды ім. Ёнаша Кофты. Ўзнагарода, гэта фінансавая дапамога ў вытворчасці кампакт-дыска. Астатнія ляўрэаты атрымоўваюць рэчавыя ўзнагароды – электронныя прылады.

14. Удзельнікі фіналу конкурсу OPPA даюць бясплатна арганізатарам права да рэгістрацыі па радыё й тэлебачаньні, а таксама да распаўсюджваньня на ўсіх даступных носьбітах твораў, выкананых падчас канцэртаў OPPA.

15. Кошты прыезду й начлегаў удзельнікі бяруць на сябе.

16. Удзельнікі фіналу конкурсу маюць права на бясплатны ўступ на ўсе канцэрты ў рамках OPPA.

17. Інтэрпрэтацыя сёньняшняга Рэглямэнту належыць выключна да арганізатараў OPPA.

18. Тэрмін падачы заявак у 2017 годзе мінае 15
kастрычнікa.
Заяўку на ўдзел у конкурсе ў фармаце .doc альбо .rtf  трэба ўзяць зь інтэрнэт-старонкі Фэстывалю (www.oppa.pl ), запоўніць і разам зь іншымі дакумэнтамі выслаць на адрас:  registration@oppa.pl
Усялякія пытаньні, зьвязаныя з OPPA трэба высылаць на адрас: info@oppa.pl


КАНЦАВЫЯ ЗАЎВАГІ

1. Перад тым, як запоўніць заяўку на ўдзел у конкурсе, трэба дакладна пазнаёміцца з Рэглямэнтам OPPA.

2. Кандыдаты, якія прышлюць песьні, не выконваючыя дэфініцыі аўтарскай песьні ў разуменьні Рэглямэнту OPPA (аўтар, кампазытар і выканаўца – гэта адна асоба), ня будуць закваліфікаваныя з увагі на невыкананьне патрабаваньняў Рэглямэнту.

3. Калі пасьля закваліфікаваньня кандыдата акажацца, што не зьяўляецца ён поўнасьцю творцам прэзэнтаваных сабою песьняў, будзе дыскваліфікаваны.

 4. Калі арганізатары пасьля заканчэньня Фэстывалю атрымаюць верагодную інфармацыю, што ляўрэат не зьяўляецца поўнасьцю творцам прэзэнтаваных на OPPA песьняў, будуць патрабаваць ад яго вярнуць узнагароду альбо яе раўнавартасьць, а атрыманая сума папоўніць касу ўзнагарод наступнага выпуску OPPA.

5. У выпадку непрызнаньня Гран-пры OPPA, фінанасвыя сродкі, прызначаныя на гэтую ўзнагароду, папоўняць касу ўзнагарод наступных двух выпускаў Фэстывалю.  

6. Файлы з прысланымі тэкстамі ды з mp3 трэба азначаць згодна з наступнай схемай:
прозвішча  імя  загаловак (без дыякрытычных знакаў, характэрных данай мове) і выслаць скампрэсаваныя адной з праграм кампрэсіі (np. Winrar).

7. Да заяўкі можна далучыць таксама інфармацыю (лінк) пра магчымасьць паглядзець зарэгістраваны відэавыступ кандыдата, зьмешчаны ў інтэрнэце.


ПАЎФІНАЛ І ФІНАЛ КОНКУРСУ OPPA 2017
адбудуцца сёлета ў Доме Культуры Śródmieście ў Варшаве, вул. Смольна, 9 (Smolna 9) (уваход ад вул. Aleje Jerozolimskie) 18 і 19 лістапада.



SLM Ballada